Calculator ng Aspect Ratio

Ano ang aspect ratio?

Inilalarawan ng aspect ratio ang hugis ng isang rectangle: ang lapad nito kumpara sa taas, na isinusulat bilang dalawang numerong pinaghihiwalay ng colon. Ang 16:9 na larawan ay 16 na unit ang lapad sa bawat 9 na unit ang taas, anuman ang aktuwal na laki — ang 1280 × 720, 1920 × 1080 at 3840 × 2160 ay pare-parehong may hugis na 16:9.

Paano kalkulahin ang kulang na gilid

I-divide ang alam mong gilid sa katapat nitong bahagi ng ratio, saka i-multiply sa kabilang bahagi.

Para sa larawang 1920 pixel ang lapad sa 16:9: 1920 × 9 ÷ 16 = 1080 px. Para sa larawang 1440 pixel ang taas sa 16:9: 1440 × 16 ÷ 9 = 2560 px.

Paano hanapin ang aspect ratio ng isang sukat

I-divide ang dalawang gilid sa kanilang greatest common divisor. Ang 1920 at 1080 ay may common divisor na 120, kaya ang 1920 × 1080 ay nagiging 16:9. May mga sukat na hindi nauuwi sa pamilyar na ratio — ang 2560 × 1080 ay eksaktong 64:27 — kaya ipinapakita rin ng calculator ang pinakamalapit na karaniwang ratio (dito, 21:9) at ang decimal na halaga (2.370).

Mga karaniwang aspect ratio

• 16:9 — widescreen na video, TV, monitor, YouTube.
• 9:16 — vertical na video para sa TikTok, Reels, Shorts at Stories.
• 4:3 — lumang TV, maraming compact camera, screen ng iPad.
• 3:2 — karamihan ng DSLR at mirrorless camera, at 4R na print (4 × 6 in).
• 1:1 — square na post, profile picture, album cover.
• 4:5 — portrait na post sa Instagram feed.
• 21:9 — ultrawide na monitor at cinematic na video.

Bakit mahalaga ang buong pixel

Gumagana sa buong pixel ang mga screen at image file, kaya kailangang i-round off ang kinalkulang gilid gaya ng 1080 × 607.5. Kapag naka-check ang “Buong pixel”, ni-round off ng calculator sa pinakamalapit na pixel at ipinapakita ang eksaktong halaga sa ilalim, para makita mo kung gaano kalayo ang na-round off na sukat sa totoong ratio.

Mga madalas itanong